MSŞT Koalisiyası televiziyalar üçün veriliş hazırlayır
02 dekabr 2010 12:25 (UTC +04:00)

MSŞT Koalisiyası televiziyalar üçün veriliş hazırlayır

Mədən Sənayesində Şəffaflığın Artırılması üzrə QHT Koalisiyası şəffaflıq təşəbbüsünün əhatə dairəsini genişləndirmək, bu prosesə cəmiyyətin diqqətini artırmaq məqsədilə region televiziyaları üçün veriliş hazırlayıb. Koalisiyanın mətbuat xidmətindən Lent.az-a bildiriblər ki, Açıq Cəmiyyət İnstitutu Yardım Fondunun dəstəklədiyi layihə çərçivəsində hazırlanmış verilişin çəkilişi KANAL13 İnternet Televiziyasının studiyasında aparılıb.

Çəkilişdə koalisiyanın Şura üzvləri Qubad İbadoğlu, Azər Mehdiyev, Əliməmməd Nuriyev və layihənin koordinatoru Oqtay Gülalıyev iştirak edərək şəffaflıq təşəbbüsünün meydana çıxma zərurəti, prosesin gedişatından danışıblar. Ekspertlər həmçinin koalisiyanın fəaliyyəti, həyata keçirdiyi layihələr və gələcək perspektivlə barədə söhbət açıb, neft gəlirlərinə ictimai nəzarətin gücləndirilməsinin əhəmiyyətindən bəhs ediblər.

Xatırladaq ki, veriliş yaxın günlərdə 5 region kanalında yayımlanacaq.

Elxan SALAHOV
# 561

Oxşar yazılar