“Quş qripi” monitorinqi başladı
01 dekabr 2010 12:43 (UTC +04:00)

“Quş qripi” monitorinqi başladı

Kənd Təsərrüfatı Nazirliyi yanında Dövlət Baytarlıq Xidməti (DBX) “quş qripi” ilə bağlı ölkə ərazisində monitorinqə start başlayıb.


DBX-nin mətbuat xidmətindən Lent.az-a bildiriblər ki, monitorinqlər Abşeron yarımadasında, Şabran, Salyan, Ağcabədi rayonlarında və Lənkəran şəhərindəki milli park və qoruqlarda, eləcə də respublikanın dənizsahili zonalarında aparılacaq. Monitorinq müddətində seçmə üsulla ovlanacaq köçəri quşlardan, həmçinin ayrı-ayrı quşçuluq və həyətyanı təsərrüfatlarda saxlanılan quşlardan nümunələrin götürülməsi nəzərdə tutulur.


Ekologiya və Təbii Sərvətlər, Səhiyyə nazirliklərinin, “Ovçular və balıqçılar” Cəmiyyətinin mütəxəssislərinin də iştirak etdiyi monitorinqlərin nəticələr dekabrın 10-da açıqlanacaq.

Elxan SALAHOV
1 2 3 4 5 İDMAN XƏBƏRLƏRİ
# 663

Oxşar yazılar