Havalar soyuyacaq

Lent.az-ın verdiyi məlumata görə, dekabrın 1-də Bakıda və Abşeron yarımadasında dəyişkən buludlu, əsasən yağmursuz keçəcək, gecə və səhər bəzi yerlərdə duman olacaq.

Saniyədə 9-14 metr sürtələ şimal-qərb küləyi əsəcək, gündüz küləyin sürəti 14-18 metrə çatacaq. Bakıda gecə 10-12, gündüz 14-16 dərəcə isti olacaq.

Dekabrın 2-də Bakıda və Abşeron yarımadasında buludlu hava şəraiti üstünlük təşkil edəcək. Lakin axşam yarımadanın bəzi yerlərində qısa müddətli az yağış yağacaq. Gecə saniyədə 10-15 metr, gündüz 18-20 metr saniyə sürətlə şimal-qərb küləyi əsəcək. Ayrı-ayrı yerlərdə 23-28 metr/saniyəyə qədər güclənəcək. Temperatur gecə 8-10 gündüz 12-14 dərəcə olacaq.

Azərbaycanın rayonlarında dekabrın 1-də əsasən yağmursuz, gecə və səhər bəzi yerlərdə duman, çiskin olacaq. Qərb küləyi 5-10, arabir 15-20 metr/saniyə, ayrı-ayrı yerlərdə 23-23 metr/saniyəyədək güclənəcək.

Havanın temperaturu gecə 6-10 dərəcə, gündüz 17-22 dərəcə, dağlarda gecə 3-8 dərəcə isti, gündüz 14-19 dərəcə isti olacaq.

Dekabrın 2-3-də Azərbaycanın rayonlarında əsasən yağmursuz, səhər ayrı-ayrı yerlərdə duman olacaq. Lakin axşam bəzi yerlərdə havanın yağıntılı olacağı gözlənilir. Qərb küləyi 5-10 metr/saniyə, arabir 15-20 metr/saniyə olacaq. Ayrı-ayrı yerlərdə 23-25 metr/saniyəyədək güclənəcək. Temperatur gecə 5-9 dərəcə isti, gündüz 15-19 dərəcə olacaq. Dağlarda gecə 3-8, gündüz 9-14 dərəcə isti olacaq.