“Ət satışı bazarında qiymət artımı qeydə alınmayıb”
16 noyabr 2010 18:22 (UTC +04:00)

“Ət satışı bazarında qiymət artımı qeydə alınmayıb”

Qurban Bayramı ilə əlaqədar Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən ölkənin ət satışı bazarında keçirilən monitorinqin nəticələri açıqlanıb. Nazirlikdən APA-ya verilən məlumata görə, Qurban Bayramı ilə əlaqədar ətə tələbatın yüksəlməsi nəzərə alınaraq süni qiymət artımının qarşısının alınması məqsədilə Bakıda və rayonlarda ətin qiymətinin gündəlik monitorinqi keçirilib.

Aparılan yoxlamalara əsasən ölkənin ət satışı bazarında heç bir qiymət artımı qeydə alınmayıb. Bayram ərəfəsində aparılan monitorinqlər bayram günlərində də davam edir və yoxlamalar bir qədər də intensivləşib. Ölkənin ət satışı bazarında süni qiymət artımı müşahidə olunmayıb, əksinə, iki məntəqədə quzu ətinin qiymətində 0,50 manatlıq ucuzlaşma qeydə alınıb.

İstehlakçılardan ət satışında qiymət artımı halları ilə rastlaşdıqda 498-15-01 və 498-15-04 nömrəli telefonlarla dövlət xidmətinə məlumat vermələri xahiş olunur.
# 753

Oxşar yazılar