Bayram günləri hava dumanlı, çiskinli olacaq
15 noyabr 2010 15:05 (UTC +04:00)

Bayram günləri hava dumanlı, çiskinli olacaq

Lent.az-ın Ekologiya və Təbii Sərvətlər Nazirliyinin rəsmi saytına istinadən verdiyi məlumata görə, noyabrın 15-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, gecə və səhər bəzi yerlərdə duman olacağı gözlənilir.

Şimal-qərb küləyinin əsəcəyi, gündüz cənub-qərb küləyi ilə əvəz olunacağı gözlənilir. Havanın temperaturu gecə 9-12 dərəcə, gündüz 16-18 dərəcə isti olacaq. Noyabrın 16-da Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, gecə və səhər bəzi yerlərdə duman olacağı, axşam buludluluğun artacağı ehtimal olunur. Cənub küləyinin əsəcəyi, gündüz arabir güclənəcəyi gözlənilir. Havanın temperaturu gecə 9-12 dərəcə, gündüz 16-18 dərəcə isti təşkil edəcək. Noyabrın 17-də hava şəraitinin dəyişkən buludlu olacağı, əsasən yağmursuz keçəcəyi, gecə və səhər bəzi yerlərdə duman, çiskin olacağı ehtimal olunur. Cənub-qərb küləyinin əsəcəyi arabir güclənəcəyi gözlənilir. Havanın temperaturu gecə 9-11 dərəcə, gündüz 17-19 dərəcə isti olacaq.

Azərbaycanın rayonlarına gəlincə, noyabrın 15-də hava şəraitinin əsasən yağmursuz keçəcəyi, gecə və səhər bəzi yerlərdə duman, çiskin olacağı, şərq küləyi əsəcəyi gözlənilir. Havanın temperaturu gecə 5-10 dərəcə, gündüz 15-20, dağlarda gecə 7-10 dərəcə, gündüz 15-19 dərəcə isti təşkil edəcək.

16-17 noyabrda hava şəraitinin əsasən yağmursuz keçəcəyi, gecə və səhər bəzi yerlərdə duman, çiskin olacağı, cənub küləyinin əsəcəyi, arabir güclənəcəyi gözlənilir. Havanın temperaturu gecə 4-9 dərəcə, gündüz 13-18 dərəcə, dağlarda gecə 5-9 dərəcə, gündüz 12-16 dərəcə isti təşkil edəcək.
# 534

Oxşar yazılar