Hava soyuyacaq

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya bildirib ki, cənub küləyi axşam şimal-qərb küləyi ilə əvəzlənəcək. Havanın temperaturu gündüz 20-22, axşam 12-14 dərəcə isti olacaq.

Noyabrın 11-də havanın dəyişkən buludlu, gecə və səhər bəzi yerlərdə duman, çiskin olacağı, gün ərzində, əsasən yağmursuz keçəcəyi gözlənilir. Şimal-şərq küləyi gündüz cənub-şərq küləyi ilə əvəz olunacaq. Gecə 9-11, gündüz 17-20 dərəcə isti olacaq.

Noyabrın 12-də havanın tutulub açılacağı, gecə və səhər duman olacağı, yarımadanın bəzi yerlərində çiskinli az yağış yağacağı ehtimalı var. Cənub-şərq küləyi əsəcək.
Havanın temperaturu gecə 10-12, gündüz 16-18 dərəcə isti olacaq.

Noyabrın 13-də buludlu hava şəraitinin üstünlük təşkil edəcəyi gözlənilir. Gecə və səhər bəzi yerlərdə duman olacaq. Cənub-qərb küləyi günün ikinci yarısında şimal-qərb küləyi ilə əvəz olunacaq. Havanın temperaturu gecə 9-11, gündüz 17-19 dərəcə isti olacaq.

Azərbaycanın rayonlarında noyabrın 11-də hava, əsasən yağmursuz keçəcək, lakin gecə və səhər bəzi yerlərdə duman, çiskin olacaq. Qərb küləyi gündüz şərq küləyi ilə əvəz olunacaq. Gecə 5-10, gündüz 17-22, dağlarda gecə 4-8, gündüz 15-19 dərəcə isti olacaq.

Noyabrın 12-13-də hava, əsasən yağmursuz, gecə və səhər bəzi yerlərdə duman, çiskin olacaq. Şərq küləyi əsəcək. Havanın temperaturu gecə 6-11, gündüz 17-21,
dağlarda gecə 4-8, gündüz 14-17 dərəcə isti olacaq.