Azərbaycandan ilk zəvvar qrupu Həccə yollandı

Qafqaz Müsəlmanları İdarəsinin xarici əlaqələr şöbəsinin müdiri hacı Müqəddəs Payızov Lent.az-a bildirib ki, zəvvarlar bu gün səhər saatlarında 40 avtobusla «Azadlıq» meydanından yola salınıb. İkinci karvan isə eyni sayda avtobusla sabah yola düşəcək. Onun sözlərinə görə, bu il Azərbaycandan müsəlmanlarının Həcc ziyarəti üçün ümumilikdə 2000 nəfərlik kvota ayrılıb. Həmin sayda zəvvarların ziyarətə göndərilməsi üçün viza sənədləri alınıb. Zəvvardan 1200 nəfəri avtobus, 800 nəfər isə təyyarə ilə Həccə gedəcəklər. Təyyarə ilk reysinin noyabrın 3-də gerçəkləşəcək. Növbəti reylər isə noyabrın 4-ü və 5-də yola düşəcək.

Bu il Qurban bayramı noyabrın 16-sı və 17-də qeyd olunacaq.

Elxan SALAHOV