Bu gecə saatlarınızı 1 saat geri çəkin
30 oktyabr 2010 20:11 (UTC +04:00)

Bu gecə saatlarınızı 1 saat geri çəkin

Standartlaşdırma, Metrologiya və Patent üzrə Dövlət Komitəsinin mətbuat xidmətinin rəhbəri Fazil Talıblı Lent.az-a bildirib ki, Nazirlər Kabinetinin “Azərbaycan ərazisində yay vaxtının tətbiq edilməsi haqqında” 17 mart 1997-ci il qərarına əsasən, hər il mart ayının son bazar günü əqrəblərin bir saat qabağa çəkilməsi ilə yay vaxtına keçilir. Hər il oktyabr ayının son bazar günü isə əqrəblərin bir saat geri çəkilməsi ilə yay vaxtı ləğv edilir.

Xatırladaq ki, ilk dəfə saatların əqrəbinin çəkilməsi 101 il bundan əvvələ - 1908-ci ilə təsadüf edir. Hazırda bu ənənəyə 200-dən artıq dövlət əməl edir və bu əsasən, iqtisadiyyatı güclü olan ölkələrdə həyata keçirilir.

Keçidin ayın son həftəsinin bazar gününə salınması da təsadüfi deyil. İnsanlar yeni rejimə adaptasiya olunmalıdır. Həkimlərin fikrincə, səhhətində problem olmayan insanlarda rejimə öyrəşmə müddəti 2 gündür. Sinir sistemli zəif olanlarda isə bu 10 günə qədər uzana bilər. Elmi araşdırmalar yay və qış vaxtının tətbiqinin insan orqanizmində hər hansı bir problemin yaratması kimi fərziyyələri əsassız sayır.

Elxan SALAHOV
# 579

Oxşar yazılar