Pensiya kartları dəyişdiriləcək

“Milli Məclisdə Dövlət Sosial Müdafiə Fondunun (DSMDF) 2011-ci il büdcə layihəsi müzakirə olunarkən millət vəkili Qənirə Paşayeva uzaq kənd yerlərində bankomat çatışmazlığından şikayətlənib. Lent.az-ın məlumatına görə, millət vəkili çıxışında bir çox rayonlarda xüsusən, ucqar kəndlərdə pensiyaçıların təqaüdlərini almaq üçün rayon mərkəzinə gəlməli olduğunu bildirib. Qənirə Paşayeva DSMF sədri Səlim Müslümovdan bu məsələyə xüsusi diqqət yetirmələrini də xahiş edib.

Səlim Müslümov bildirib ki, bankomatların quraşdırılması DSMF-dan asılı məsələ deyil. Onun sözlərinə görə, bu məsələ ilə bağlı müvəkkil banklardan xahiş edə bilər. Səlim Müslümov onu da bildirib ki, gələn il Azərbaycanda pensiya kartları dəyişdiriləcək. Onun sözlərinə görə, bu məsələ ilə bağlı banklar arasında tender elan ediləcək və bu zaman bankomatların sayını artıran banka üstünlük veriləcək.

Ucqar rayonlarda bankomat quraşdırmaq da tenderdə açıq şərt kimi əksini tapacaq.

Elxan SALAHOV