Tələbə qəbulu prosesini işıqlandıran jurnalistlər mükafatlandırıldı

Tələbə Qəbulu üzrə Dövlət Komissiyası (TQDK) ali məktəblərə qəbulu prosesini işıqlandırılmasında fərqlənən jurnalistləri mükafatlandırıb.

Lent.az-ın məlumatına görə, bu gün TQDK-da keçirilən mərasimində bildirilib ki, mükafatlar “Ən yaxşı media” və “Ən yaxşı jurnalist” nominasiyaları üzrə müəyyən edilib. TQDK “Ən yaxşı televiziya reportajı” nominasiyasında iki qalib müəyyən edib. I yerə “Space” TV-nin “Abuturyent” verilişinin rəhbəri Çingiz Hüseynov, II yerə isə AzTV-nin əməkdaşı Ramin Qurbanov layiq görülüb.

TQDK qəbul kampaniyası dövründə prosesləri işıqlandıran ən yaxşı məqalələr kateqoriyasında birinci yerə qalibi müəyyənləşdirməyib. İkinci yerə iki qalib seçilib. Bunlar “525-ci” qəzetin əməkdaşı Sevinc Qarayeva və Lent.az-ın əməkdaşı Elxan Salahovdur.

Üçüncü yer üzrə iki qalib müəyyən olunub. Bu sırada “Azerbaydjanskie İzvestiya” qəzetinin əməkdaşı İradə Ağayeva və “Zaman” qəzetinin əməkdaşı Rəşad Zalov fərqlənib.