Ali məktəblərə qəbul qaydalarında 5 dəyişiklik - SİYAHI

2011-2012-ci tədris ilinin yekununda ali məktəblərin bakalavr və magistr pillələrinə qəbul imtahanlarında bir sıra yeniliklər tətbiq olunacaq.

Lent.az-ın məlumatına görə, bu haqda Tələbə Qəbulu üzrə Dövlət Komissiyasının sədri Məleykə Abbaszadə bildirib. Məleykə Abbaszadə əlavə edib ki, 5 yenilik nəzərdə tutulub.

Bunlar aşağıdakılardır:
1. Beynəlxalq əlaqələr və regionşünaslıq ixtisasları 3-cü qrupdan 2-ci qrupa keçiriləcək.
2. 2011-ci ildə magistraturaya sənədlərin qəbulu fevral ayında olacaq və ilkin olaraq bakalavrların məntiqi təfəkkürü, xarici dil və informatika bilikləri yoxlanılacaq.
3. Bakalavr pilləsinə qəbul zamanı riyaziyyatdan olan suallar test formasında deyil, ümumi formada təqdim olunacaq.
4. Abituriyentlərin qəbul imtahanlarına səmərəli hazırlaşmalarına kömək məqsədi ilə 2011-ci ilin yanvar ayında Bakıda, eləcə də müxtəlif bölgələrdə bir sınaq imtahanı keçiriləcək, növbəti sınaq imtahanlarının isə müntəzəm olaraq, 2011-ci ilin aprel ayından keçirilməsi nəzərə tutulur.
5. Nazirlər Kabinetinin qərarına uyğun olaraq, rezidenturaya qəbul TQDK tərəfindən aparılacaq.