Ölən gəncin qolları əlil fermerə köçürülüb

Türkiyədə Akdəniz Universitetinin plastik və rekonstruktiv cərrahiyə kafedrasının rəhbəri, professor Ömər Özkanın rəhbərlik etdiyi həkimlər ölmüş şəxsin iki qolunu qollarını itirmiş başqa bir şəxsə köçürüblər.

Lent.az-ın “haberturk.com” saytına istinadən verdiyi məlumata görə, Muğlanın Milas rayonunda motosikletlə keçirdiyi qəzada ölən və ailəsi tərəfindən orqanları bağışlanan 23 yaşlı Fateh Demireldən alınan iki qol 2008-ci ildə taxılbiçən kombayn tərəfindən iki qolu dirsəkdən qoparılan fermer Cihan Topala nəql edilib.

Cərrahi əməliyyat uğurla keçib. İndiyə qədər dünyada 15-16 belə cərrahi əməliyyat olub, Türkiyədə isə ilk dəfədir. Cərrahi əməliyyatı Türkiyə Səhiyyə Nazirliyi izləyib.