Bazar xəbərləri: alma ucuzlaşıb, pomidor 2 manata qalxıb... - SİYAHI

Lent.az-ın məlumatına görə yalnız almanın qiymətində ciddi azalma var. İndi bazarlarda Quba almasının kiloqramını 50 qəpiyə almaq olar.

Nisbətən bahalaşma pomidorda müşahidə olunur. Əgər keçən həftə 1-1,5 manata rayon pomidoru tapmaq mümkün idisə, indi 2 manatdan ucuzu yoxdu.

Yumurtanın qiymətində də cüzi bahalaşma var. Belə ki, kənd yumurtası 20 qəpiyə, broyler yumurtası isə 15 qəpiyə satılır.

Müşahidə apardığımız 3-cü mikrorayon bazarında mal ətinin kiloqramı ötən həftə olduğu kimi 5 manat 50 qəpiyə deyil, 5 manat 40 qəpiyə satılırdı.

Alıcıların qiymətindən ən çox narazı qaldığı isə göyərtidir. Bazar və marketlərdə göyərtinin dəstəsini 25-30 qəpikdən ucuz almaq mümkün deyil. Gündəlik tələbat malları arasında birinci olan kartof və soğanın qiymətində isə dəyişiklik yoxdur.

Ən son bazar qiymətləri:

Kartof (yerli) - 70-80 qəp
Soğan - 50-80 qəp
Pomidor - 2-3 man

Alma (yerli) - 0,5 – 1,5 man
Alma (xarici) - 2-3 man
Armud (xarici) - 2,5 – 4 man
Üzüm (yerli) - 1,5 – 3 man
Zoğal - 1,5 -2 man
Qoz - 3-4 man
Qoz ləpəsi - 7-8 man
Fındıq - 2 man
Fındıq ləpəsi - 4-5 man
Şabalıd - 7-8 man

Ət (quzu) - 7 man 50 qəp
Ət (qoyun) - 6 man 50 qəp
Ət (mal) - 5 man 40 qəp
Kənd yumurtası - 20 qəp
Broyler yumurtası - 15 qəp