İçəri Şəhər haqqında suvenir-kitab buraxılıb

Rabitə və İnformasiya Texnologiyaları Nazirliyinin “Azərmarka” şirkəti Bakının mərkəzində yerləşən tarixi-memarlıq qoruğu İçəri Şəhərə həsr olunmuş kitab buraxıb.

Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, Azərbaycan və ingilis dillərində İçəri Şəhərin təsviri, eləcə də onun tarixi, buradakı tanınmış tikililər və abidələr haqqında bəhs edən kitab nəfis dizayna malikdir və suvenir nəşr kimi ərsəyə gətirilib.

Kitabda İçəri Şəhər haqqında “Azərmarka” tərəfindən bir qədər bundan əvvəl dövriyyəyə buraxılmış 12 marka və poçt bloku da öz əksini tapıb. Burada hər bir markanın təsviri haqqında geniş izah verilir.