Gənclərimiz Tacikistana gedir

MDB dövlətlərindən Azərbaycan, Belarus, Qazaxıstan, Qırğızıstan, Moldova, Rusiya Federasiyası, Ermənistan və Tacikistan Respublikalarının yer aldığı tədbirin əsas məqsədi beynəlxalq əməkdaşlığı inkişaf etdirilməsi, MDB dövlətləri gənclərinin şəbəkəsinin qurulması, informasiya mübadiləsi və ekoloji problemlərin həlli yolunda ideya və təkliflərin öyrənilməsindən ibarətdir.

Bir həftə davam edəcək tədbirdə iştirakçılar üçün ekologiya ilə bağlı müxtəlif mövzularda seminarlar, master-klasslar keçiriləcək və debatlar təşkil olunacaq.

Qeyd edək ki, tədbirdə Azərbaycanı altı nəfərlik nümayəndə heyəti ilə birgə Gənclər üçün Təhsil Mərkəzinin icraçı direktoru Elnur Axundov da təmsil edəcək.

E.Axundovun verdiyi məlumata əsasən bu tədbir Azərbaycana yalnız iştirakçılıq deyil, həm də yeni əməkdaşlıq imkanları yaradacaq. Bundan əlavə o, bildirib ki, tədbirin ikinci günü Azərbaycan mədəniyyət gecəsi də keçiriləcək. Bu gecədə Azərbaycanın tarixi, mədəniyyəti, incəsənəti haqqında iştirakçı dövlətlərin təmsilçilərinə məlumatlar və əyani materiallar veriləcək.