Daha 2 müəssisə bağlandı

Hər iki müəssisə unlu qənnadı məmulatlar istehsalı ilə məşğul olurdu

Standartlaşdırma, Metrologiya və Patent üzrə Dövlət Komitəsi daha 2 istehsal müəssisəsinin fəaliyyətini dayandırıb. Bunlar Bakı şəhərində unlu qənnadı məmulatlar istehsalı ilə məşğul olan fiziki şəxslər - Oruc Hümmətov və Akif Vəliyevə məxsus müəssisələrdir.

Komitədən Lent.az-a bildiriblər ki, qurumun müfəttişlərinin apardığı yoxlamalar zamanı hər iki müəssisədə ciddi nöqsanlar aşkarlanıb. Belə ki, müəssisələrdə fiziki-kimyəvi göstəricilərə, markalanmaya və digər tələblərin pozulduğu, hazır məhsulların laborator müayinəsinin aparılmadığı üzə çıxıb. Bundan başqa, yoxlamalar zamanı uyğunluq və gigiyenik sertifikatları, lazımi istehsal şəraitinin olmadığı, antisanitariya faktları da aşkarlanıb.

İstehsal qaydaları kobud şəkildə pozulmuş müəssisə rəhbərlərinə məhsul növünün istehsalı və satışının qadağan edilməsi barədə tələbnamə verilib.