Məktəblilərin yaz tətilinin müddəti uzadıldı

Orta məktəblərdə yaz tətili martın 178-də başlayır

Martın 20-dən 29-a qədər Azərbaycan ərazisində qeyri-iş günü elan olunması ilə əlaqədar orta məktəblərdə yaz tətilinin müddəti uzadılıb.

Təhsil Nazirliyinin şöbə müdiri Aydın Əhmədov APA-ya bildirib ki, orta məktəblərdə yaz tətili martın 16-dan 23-ə qədər nəzərdə tutulsa da, Nazirlər Kabineti martın 20-dən 29-a qədər ölkədə qeyri-iş günün elan edilməsi ilə bağlı qərar verdiyi üçün orta məktəblərdə martın 16-da da dərslər keçiləcək.

Yaz tətili isə martın 17-dən başlayacaq və 28-29-a qədər davam edəcək. Altı günlük tədris sistemi ilə fəaliyyət göstərən məktəblərdə şagirdlər dərsə martın 28-də gedəcəklər. Beş günlük tədris sistemi ilə işləyən məktəblərdə isə dərslər martın 29-da başlayacaq.

Yaz tətilinin müddətinin uzadılması digər tətillərin vaxtına təsir göstərməyəcək.