TQDK qəbul imtahanlarında iştirak edəcək

Nəzarətçilərlə seminar-məşğələlər keçirilir
Tələbə Qəbulu üzrə Dövlət Komissiyası 2009-cu il fevralın 17-dən etibarən növbəti tədris ili üçün Respublikanın ali və orta ixtisas məktəblərinə qəbul imtahanlarında nəzarətçi kimi iştirak edəcək müəllimlər üçün seminar-məşğələlər keçirir. TQDK-nın mətbuat xidmətindən Lent.az-a verilən məlumata görə, seminar–məşğələlərin məqsədi nəzarətçi–müəllimləri qəbul imtahanının texnologiyası ilə yaxından tanış etmək, imtahanları təlimata uyğun keçirməyə hazırlamaqdır.

Seminarlar Tələbə Qəbulu üzrə Dövlət Komissiyasının Təşkilat şöbəsinin məsul əməkdaşları tərəfindən aparılır.

Seminarlarda Bakı və Sumqayıt şəhərlərinin orta məktəblərindən nəzarətçi qismində cəlb olunacaq müəllimlər iştirak edəcək.
Seminar–məşğələlərdə nəzarətçiləri imtahan prosesi ilə əyani surətdə tanış etmək məqsədilə imtahan texnologiyasına aid film nümayiş etdirilir.
Seminar-məşğələlərdə iştirak edən müəllimlər (xüsusən ilk dəfə cəlb olunan nəzarətçilər) aprel ayından etibarən TQDK tərəfindən keçiriləcək sınaq imtahanlarında nəzarətçi kimi iştirak etməyə dəvət olunacaqlar. Bu da onların seminarlarda əldə etdikləri nəzəri bilikləri təcrübədə tətbiq etmələrinə kömək edəcək. Sınaq imtahanlarında nəzarətçi kimi özünü doğruldan müəllimlər qəbul imtahanlarına cəlb olunacaqlar.
Seminarlar aşağıdakı cədvəl üzrə keçirilir:

Bölgə	Keçirilmə yeri	Tarix	Nəzarətçilərin sayı
Abşeron r-nu	Xirdalan ş. 2 saylı orta məktəb	17.02.2009	336
Nəsimi r-nu	19 saylı məktəb	18.02.2009	408
Əzizbəyov r-nu	136 saylı məktəb	19.02.2009	217
Sabunçu r-nu	96 saylı məktəb	20.02.2009	396
Səbail r-nu	160 saylı məktəb	21.02.2009	305
Yasamal, Qaradağ r-nu 274 və 320 saylı məktəblər	53 saylı məktəb	24/02/2009 və 25/02/2009	435
Binəqədi r-nu	276 saylı məktəb	26/02/2009 və 27/02/2009	608
Xətai r-nu	138 saylı məktəb	3/03/2009 və 4/03/2009	705
Sumqayıt şəhəri	"Təfəkkür" liseyi	5 və 6 mart	580
Qaradağ r-nu	166 saylı məktəb	07.03.2009	250
Nərimanov r-nu	319 saylı məktəb	Tarixi barədə əlavə məlumat veriləcək
Suraxanı r-nu	278 saylı məktəb	10/03/2009 və 11/03/2009	417
Nizami r-nu	214 saylı məktəb	12/03/2009 və 13/03/2009	435