Nailə Rzaquliyeva: “Bağça otaqlarından təyinatı üzrə istifadə edilmir”

Hazırda Bakı şəhərində 1-ci sinfə gedən uşaqların yalnız 25 faiz uşaq bağçalarından gəlir. Lent.az-ın məlumatına görə, bunu Bakı şəhər Təhsil İdarəsinin müdiri Nailə Rzaquliyeva müəllimlərin sentyabr konfransında söyləyib.

O bildirib ki, məktəbəqədər hazırlıq qruplarının genişləndirilməsinə maneə olan səbəblər var. Nailə Rzaquliyevanın sözlərinə görə, Bakı şəhərindəki uşaq bağçalarının mövcud bazası bu işin öhdəsindən gələcək səviyyədə deyil. 309 uşaq bağçasında mövcud olaq qrup otağının 1009-dan təyinatı üzrə istifadə edilmir: “Bu otaqların 38-i təmirsizdir. 700-dən çoxunda məcburi köçkünlər məskunlaşıb, 271 qrup otağında təhsilə aidiyyatı olmayan təşkilatlar yerləşdirilib. Əgər uşaq bağçaları tam gücü ilə işləsə belə, Bakı üzrə yalnız 52 min uşaq qəbul edə bilər. Bu da məktəbəqədər uşaqların 50 faizi deməkdir”.

Elxan Salahov