7 müəssisədə məhsul istehsalı dayandırıldı – SİYAHI

Gəncədə keyfiyyətsiz qənd, noğul, qarğıdalı çubuqları, alkoqolsuz içkilər və çörək istehsal edilirmiş

Standartlaşdırma, Metrologiya və Patent üzrə Dövlət Komitəsinin Gəncə şəhərində yerləşən 2 saylı Ərazi Dövlət Nəzarəti İdarəsinin əməkdaşları son bir ay ərzində keyfiyyətsiz, standartların tələblərinə cavab verməyən məhsul istehsal edən 7 müəssisəni ifşa ediblər.

Dövlət Komitəsindən Lent.az-a verilən məlumata görə, həmin müəssisələr aşağıdakılardır:

Fiziki şəxs İsmayılov Fəxrəddin. Gəncə ş., H.Əliyev pr. 22. Qarğıdalı çubuqları;
F/ş Quliyeva Ruhiyyə. Gəncə ş., D.Qorqud küç. Qənd;
F/ş Quliyev Aftandil. Gəncə ş., Avtozavod qəsəbəsi. Qənd, noğul;
F/ş Quliyev Musa. Gəncə ş., H.Əliyev prospekti. Qənd;
F/ş Zeynalov Sevindik. Gəncə ş., Hərbi şəhərcik. Qənd;
“Faxralı konserv” MMC. Goranboy rayonu. Qazlı su, alkoqolsuz içki;
F/ş Kərimov Elman. Ağstafa rayonu, H.Aslanov küç. “Azərbaycan çörəyi”.

Bütün hallarda təsərrüfat subyektlərinin rəhbərlərinə iradnamə, tələbnamə, məhsul partiyasının satışını, ölçmə vasitələrinin istismarını qadağan edən tələbnamələr verilib.