Daha 28 mağazada yararsız mallar aşkarlanıb - SİYAHI

Həmin mağazalardan 24-ü Bakıda, 3-ü Gəncədə, 1-i Xaçmazda fəaliyyət göstərir

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin ticarət mərkəzlərində apardığı monitorinqlərin nəticəsini açıqlayıb. Bakı və Gəncə şəhərlərində, Xaçmaz rayonunda aparılan yoxlamaların nəticəsi qanunsuz faktların sayına görə əvvəlkilərdən xeyli fərqlənib.

Nazirliyin mətbuat xidmətindən Lent.az-a bildiriblər ki, monitorinq zamanı 28 mağazanın hamısında istifadə müddəti ötmüş yararsız məhsullar aşkarlanıb. Mağazaların 24-ü Bakıda, 3-ü Gəncədə, 1-i isə Xaçmazda yerləşir. Həmin mağazaların siyahısı və yerləşdiyi ünvanlar belədir:

Bakının Nizami rayonunda
- 4 saylı bazarın yaxınlığında yerləşən “Vüsal market”;
- C.Naxçıvanski küçəsi, 48 ünvanında “Ucuz market”;
- C.Naxçıvanski küçəsi, 24 ünvanında “Hüseyn market”;
- C.Naxçıvanski küçəsi, ev 30 ünvanında Natiq Həsənova məxsus mağaza;
- C.Naxçıvanski küçəsi, 2387 ünvanında Fərhad Əskərova məxsus mağaza;
- Rüstəmov küçəsi, 60 ünvanında İlqar Qasımova məxsus mağaza;
- Kolxoz bazarının yaxınlığında yerləşən “Bolluq market”;
- Cəfərov küçəsi ilə Abbasov küçəsinin kəsişməsindəki “Karvan-K” istehsalat-kommersiya firmasına məxsus mağaza;
- Q.Qarayev prospekti, 25/28-ci məhəllədə Bəhrəm Mehtibəyova məxsus mağaza;
- Q.Qarayev prospekti, 104 ünvanında “Elvin market”;
- Q.Qarayev prospekti, ev 74A ünvanında Faiq İbrahimova məxsus mağaza;
- C.Naxçıvanski küçəsi, 13 nömrəli binanın yanında Niyar Əkbərovaya məxsus mağaza;
- B.Nuriyev küçəsi, ev 20/116F ünvanında “Qardaşlar market”;
- Rüstəmov küçəsi, 3 ünvanında Oruc Əliyevə məxsus mağaza;

Sabunçu rayonunun Maştağa qəsəbəsində
- Nizami küçəsi, ev 10 ünvanında Fəxrəddin Rəşidova məxsus topdansatış obyekti;
- Nizami küçəsi, 28 ünvanında “Murad market”;
- H.Heybətov küçəsi, ev 2 ünvanında “Real market”;
- H.Heybətov küçəsi, ev 13 ünvanında Nemətəli Mustafayevə məxsus mağaza;
- Xanlar küçəsi, ev 1 ünvanında “Ruzi market”;
- H.Heybətov küçəsində “Ani market”;
- Şəfail küçəsində “24 saat market”;
- Seyid İbad Ağa küçəsi, ev 1 ünvanında “Savalan market”;
- Zuvanov küçəsi, döngə 1 ünvanında “Səma market”;

Nəsimi rayonunda
- 3-cü mikrorayon, A.Mustafayev küçəsi, ev 21, mənzil 18 ünvanında “Göyçə” topdansatış obyekti;

Gəncə şəhərində
- İ.Qayıbov küçəsi, 143 ünvanında Fəxrəddin Cəfərova məxsus ərzaq malları mağazası;
- Ş.Bahəddin küçəsi ilə Vaqif küçəsinin kəsişməsində Ramil Cəlilova məxsus ərzaq malları mağazası;
- Xətai prospekti, 22 ünvanında “Luna market”;

Xaçmaz şəhərində
- N.Nərimanov küçəsində Zabil Quliyevə məxsus mağaza.

Monitorinq zamanı ümumi çəkisi 1,6 tondan çox saxlama müddəti ötmüş və etiketlənməsi normativ-texniki sənədlərin tələblərinə uyğun olmayan ərzaq məhsulları satışdan çıxarılıb. Kolbasa və qənnadı məmulatları, makaron məmulatları, yağlar, balıq və süd məhsulları, konservləşdirilmiş məhsullar, pivə, meyvə şirələri, sular, çay, kofe, quru meyvələr, düyü və digər məhsullardan ibarət saxta məhsulların hamısı məhv edilib.

Elxan SALAHOV