Bakıda 15 mağazada yararsız mallar satılırmış - SİYAHI

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin ticarət mərkəzlərində apardığı monitorinqlərin nəticəsini açıqlayıb.

Nazirliyin mətbuat xidmətindən Lent.az-a verilən məlumata görə, monitorinq zamanı
Bakının iki rayonunda istifadə müddəti ötmüş yararsız məhsullar aşkarlanıb. Həmin mağazaların siyahısı və yerləşdiyi ünvanlar belədir:

Bakının Nizami rayonunda
- C.Naxçıvanski küçəsi, ev 64 ünvanında yerləşən “Ayxan market”də;
- C.Naxçıvanski küçəsi, ev 64 ünvanında “Rəşad market”də;
- C.Naxçıvanski küçəsi, 80, mənzil 3 ünvanında Həsrət Kazımova məxsus mağazada;
- C.Naxçıvanski küçəsi, 82 ünvanında “Məhəllə market”də;
- C.Naxçıvanski küçəsi, ev 49A ünvanında “Qarabağ market”də;
- C.Naxçıvanski küçəsi, 50 ünvanında “Aycan market”də;
- Şərifli küçəsi, 2566-cı məhəllədə Elşən Məmmədova məxsus mağazada;

Sabunçu rayonunda
- Bakıxanov qəsəbəsi, N.İsmayılov küçəsi, 5 ünvanında “Sərham market”də;
- Bakıxanov qəsəbəsi, Y.Əliyev küçəsi, 00/37 ünvanında “Dayanacaq market”də;
- Bakıxanov qəsəbəsi, Y.Əliyev küçəsi, 00/37 ünvanında Elman Nəbiyevə məxsus mağazada;
- Bakıxanov qəsəbəsi, N.İsmayılov küçəsi, 2, mənzil 49 ünvanında “Sevimli dad” MMC-yə məxsus “Sevimli dad market”də;
- Bakıxanov qəsəbəsi, N.İsmayılov küçəsi, ev 59 ünvanında “Portağal market”də;
- Bakıxanov qəsəbəsi, Dəmir yolu stansiyasında Fuad Həmidova məxsus mağazada;
- Bakıxanov qəsəbəsi, Gənclik küçəsində Qətibə Rzayevaya məxsus mağazada;
- Sabunçu qəsəbəsi, E.Mehdiyev küçəsi, ev 16 ünvanında “Cavid market”də.

Monitorinq zamanı ümumi çəkisi 600 kiloqramdan çox saxlama müddəti ötmüş və etiketlənməsi normativ-texniki sənədlərin tələblərinə uyğun olmayan ərzaq məhsulları satışdan çıxarılıb. Kolbasa və qənnadı məmulatları, makaron məmulatları, yağlar, balıq və süd məhsulları, konservləşdirilmiş məhsullar, pivə, meyvə şirələri, sular, çay, kofe, quru meyvələr, düyü və digər məhsullardan ibarət saxta məhsulların hamısı məhv edilib.

Elxan SALAHOV