FHN-in nümayəndələri Masallıda olublar
08 fevral 2010 13:30 (UTC +04:00)

FHN-in nümayəndələri Masallıda olublar

FHN-in Cənub regional mərkəzinin nümayəndələri Masallıda qarın yaratdığı fəsadları yerində öyrənmək üçün rayona gəliblər. Bu barədə Lent.az-ın bölgə müxbirinə Masallı rayon fövqəladə hallar komissiyasının sədri Seymur Nuriyev məlumat verib. Onun dediyinə görə, nümayəndələr qarın ağırlığından dam örtüyü çökən Masallının Gəyəçöl kəndindəki Mədəniyyət evi və ərazi icra nümayəndəliyinin inzibati binalarına, habelə rayonun Sığdaş ərazi nümayəndəliyinə daxil olan Ninəlov kənd sakini Sadiq Qulu oğlu Əkbərova məxsus uçmuş yaşayış evinə baxış keçiriblər. Müvafiq köməklik göstərilməsi üçün yerlərdə akt tərtib edilib. Müvafiq tədbirlərin görülməsi üçün sənədlər Nazirliyə təqdim ediləcək

S.Nuriyev həmçinin rayonun 3 gün işıqsız qalan Qızılavar və Təklə kəndlərinə də dünən axşam saatlarından elektrik enerjisinin verilişinin bərpa olunduğunu söyləyib.

Pərvanə
1 2 3 4 5 İDMAN XƏBƏRLƏRİ
# 465

Oxşar yazılar