“Azəriqaz” gücləndirilmiş rejimdə fəaliyyətə başladı
28 dekabr 2009 10:50 (UTC +04:00)

“Azəriqaz” gücləndirilmiş rejimdə fəaliyyətə başladı

Müəssisə abunəçilərdən təhlükəsizlik qaydalarına riayət etmələrini xahiş edir

Dünya Azərbaycanlılarının Həmrəyliyi günü və Yeni il bayramı münasibəti ilə abunəçilərə verilən təbii qazın həcmi artırılıb. Məqsəd bayram günlərində əhalinin təbii qaza olan tələbatının tam təminatına şərait yaratmaqdır.

Azərbaycan Respublika Dövlət Neft Şirkətindən (ARDNŞ) Lent.az-a bildiriblər ki, bu gündən etibarən “Azəriqaz” İstehsalat Birliyi gücləndirilmiş iş rejimində fəaliyyət göstərəcək. Bayram günlərində əhalinin təhlükəsizliyini təmin etmək məqsədilə yerli şöbələrdə sutkalıq növbətçilik sistemi yaradılıb.

ARDNŞ-də bildirirlər ki, bayram günləri ərzində heç bir rayonda borclu abunəçilərin qaz təchizatı dayandırılmayacaq. Ancaq yanvarın 5-dən etibarən məhdudiyyətlər yenidən tətbiq olunacaq. “Azəriqaz” xəbərdarlıq edir ki, borclu abunəçilər istifadə etdikləri təbii qazın dəyərin ödəməsələr, bayramdan sonra onlar inzibati qaydada cəzalandırılacaq.

Elxan SALAHOV
# 614

Oxşar yazılar