"Karantin elan edilməsi nəticəsində Azərbaycanda koronavirusa yoluxma nəzarətə götürülüb. Bu, tək Azərbaycanın deyil, dünyanın bəlasıdır".
APA-nın məlumatına görə, bunu Nazirlər Kabineti yanında Operativ Qərargahın mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev deyib. O bildirib ki, dünyada 3 milyon 500 mindən çox insan bu virusa yoluxub: "Yoluxmaların müəyyənləşdirilməsi üçün analizlərin qəbulu keçirilən məntəqələr var. Bunlar tam avtomatlaşdırılıb. İlk günlərdə 200-300 nümunə götürə bilirdik. İndi isə 5000 nümunə götürülə bilir".