Rusiyanın Xalq artisti Alisa Freyndlix uzun fasilədən sonra Moskvada keçirilən kino mükafatlandırma mərasimində iştirak edib. Aktrisanın səhnəyə çıxması tamaşaçıların alqışları ilə qarşılanıb.
Lent.az xəbər verir ki, bu barədə “7Дней” nəşri məlumat yayıb.
91 yaşlı aktrisa Sankt-Peterburqdan Moskvaya II Açıq Avrasiya Kino Mükafatı – “Brilliantovaya baboçka” mərasimində iştirak etmək üçün gəlib. Tədbir Nikita Mixalkovun rəhbərlik etdiyi teatrda təşkil olunub.
Freyndlix dünya kinematoqrafiyasının inkişafına verdiyi töhfələrə görə fəxri mükafatla təltif edilib. Mükafatı ona rejissor Nikita Mixalkov təqdim edib. Zal aktrisanı ayaqüstə alqışlayıb.
Mərasimdə Freyndlix “Slujebnıy roman” filmində birlikdə çəkildiyi aktrisa Svetlana Nemolyayeva ilə də görüşüb. Sənətçi çıxışında həyatının ən böyük xoşbəxtliyinin sevdiyi peşə ilə məşğul olmaq olduğunu bildirib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
