Almaniyanın “Audi” şirkəti yeni hibrid superkarı “Nuvolari”nin ABŞ bazarında 700 min dollardan satışa çıxarılacağını açıqlayıb.
Lent.az xəbər verir ki, dünyada cəmi 499 ədəd istehsal olunacaq avtomobillərin 182-si ABŞ bazarına ayrılıb.
4 litrlik, iki turbokompressorlu V8 mühərrik və üç elektrik mühərriki ilə təchiz edilən avtomobil ümumilikdə 987 at gücü hasil edir.
“Nuvolari” 0-dan 96 km/saat sürətə 2,5 saniyəyə çatır, maksimal sürəti isə 350 km/saatı ötür.
Avtomobilin ABŞ-da ilk tədarüklərinin 2028-ci ilin ikinci yarısında başlanması planlaşdırılır. Əlavə təchizat və fərdi dizayn seçimləri qiyməti daha da artıra bilər.