Qlobal məkanda siyasi trendlər: münaqişə, seçkilər, neft

Həftənin siyasi gündəmi çox zəngindir. Suriyada böhranın aradan qaldırılması istiqamətində mühüm addımlar atılıb, ABŞ və Rusiya atəşkəs elan olunması barədə razılığa gəliblər. Dünya bazarında neftin qiyməti sürətlə artmağa başlayıb, il ərzində ilk dəfə “Brent” markalı neft 37 dollardan satılır. Türkiyə-Rusiya münasibətlərində gərginlik davam edir, İranda parlament seçkiləri keçirilib, artıq seçkilərin ilkin nəticələri məlumdur. ABŞ-da prezident seçkiləri mühüm mərhələyə qədəm qoyur, ölkənin 13 ştatında ilkin seçkilər keçiriləcək. Bakıda “Cənub Qaz Dəhlizi” Məşvərət Şurası çərçivəsində energetika nazirlərinin toplantısı baş tutub, toplantıda mühüm bəyanatlar verilib. “Panoram” proqramında bu hadisələrin mahiyyətini şərh etməyə çalışacağıq. Proqramın qonağı siyasi ekspert Arzu Nağıyevdir.