Prezident ISESCO-nun baş direktoruna “Dostluq” ordeni verdi - YENİLƏNİB
26 noyabr 2015 11:45 (UTC +04:00)

Prezident ISESCO-nun baş direktoruna “Dostluq” ordeni verdi - YENİLƏNİB

Noyabrın 26-da Bakıda İslam Təhsil, Elm və Mədəniyyət Təşkilatının (ISESCO) Baş Konfransının XII sessiyası işə başlayıb. Lent.az-ın AzərTAc-a istinadən məlumatına görə, prezident İlham Əliyev və xanımı, ISESCO-nun xoşməramlı səfiri Mehriban Əliyeva sessiyada iştirak edirlər.

 

Tədbir “Qurani-Kərim”dən ayənin oxunması ilə başlayıb.

 

Dövlət başçısı sessiyanın açılışında çıxış edib.

 

Prezident İlham Əliyev ISESCO-nun baş direktoru Əbdüləziz Osman əl-Tuveycrinin “Dostluq” ordeni ilə təltif olunduğunu bildirib və yüksək dövlət mükafatını ona təqdim edib. 

 

ISESCO-nun baş direktoru Əbdüləziz Osman əl-Tuveycri çıxış edərək Azərbaycanın yüksək dövlət ordeninə layiq görüldüyünə görə dövlət başçısına minnətdarlığını bildirib.

 

Sonra Nigeriya nümayəndəsinə ISESCO-nun 2015-ci il üzrə “Savadlılıq” mükafatı təqdim edilib.

 

Daha sonra birgə foto çəkdirilib.

 

# 162
avatar

Oxşar yazılar