Bu gün Milli Məclisin iclasında millət vəkili İqbal Ağazadə üç müxalifətçi gəncin müvəqqəti saxlama təcridxanasında çəkilən fotoşəkillərinin sosial şəbəkələrdə yayılması məsələsinə toxunub. Lent.az-ın məlumatına görə, İqbal Ağazadə bildirib ki, müvəqqəti təcridxananın içinə müxalifət nümayəndələri keçə bilmir. O, bunu hüquq-mühafizə orqanlarının etdiyini iddia edib.
Spiker Oqtay Əsədov deyib ki, əminliklə bunu hüquq-mühafizə orqanlarının etdiyini söyləmək düzgün deyil: “Bunu kim edibsə, ona ar olsun! Əldə fakt olmadan kimisə ittiham etmək düzgün deyil”.
Qeyd edək ki, sosial şəbəkələrdə Müsavat başqanı İsa Qəmbərin oğlu Turqut Qəmbər, AXCP Gənclər Komitəsinin sədri Əbülfəz Qurbanlı və müxalifətçi fəal İlkin Rüstəmzadənin müvəqqəti saxlama təcridxanasında olarkən çəkilmiş fotoşəkilləri yayılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
