Nazir müavini İsveçrəyə gedəcək

Azərbaycanın Respublikasının Ümumdünya Ticarət Təşkilatı ilə əməkdaşlığı üzrə ikitərəfli danışıqlarda iştirak etmək məqsədilə xarici işlər nazirinin müavini Mahmud Məmməd-Quliyev 30 iyun-4iyul tarixlərində İsveçrədə səfərdə olacaq. Xarici İşlər Nazirliyinin mətbuat xidmətindən Lent.az-a verilən məlumata görə, səfər çərçivəsində nazir müavini Mahmud Məmməd-Quliyevin Ümumdünya Ticarət Təşkilatı, Beynəlxalq Qırmızı Xaç Komitəsi və Beynəlxalq Miqrasiya Təşkilatının rəhbərliyi ilə görüşləri də nəzərdə tutulub.

Qeyd edək ki, Azərbaycanla Ümumdünya Ticarət Təşkilatı arasındakı danışıqlar artıq bir neçə ildir ki, davam edir.