Azərbaycanın xarici işlər naziri Elmar Məmmədyarov Münhen Təhlükəsizlik Konfransında iştirakı çərçivəsində Yunanıstanın xarici işlər naziri Dimitris Avramupolos ilə görüşüb. Xarici İşlər Nazirliyinin mətbuat xidmətindən Lent.az-a verilən məlumata görə, görüşdə iki ölkə arasında münasibətlərin mövcud vəziyyətindən razılıq ifadə edilib və bu münasibətlərin daha da inkişaf etdirilməsi üçün böyük potensialın olduğu qeyd olunub.
İki ölkə arasında müxtəlif sahələrdə, o cümlədən qeyri-neft sahəsində əməkdaşlığın genişləndirilməsi üçün geniş imkanların olduğu vurğulanıb, qarşılıqlı səfərlərin həyata keçirilməsinin bu əməkdaşlığa töhfə verəcəyi ifadə edilib.
Azərbaycana səfər etmək niyyətində olduğunu bildirən Yunanıstanın xarici işlər naziri öz növbəsində Azərbaycan xarici işlər naziri Elmar Məmmədyarovu Yunanıstana dəvət edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
