Azərbaycan Xalq Cəbhəsi Partiyası (AXCP) Beyləqan rayon şöbəsinin sədri istefa verib.
APA-nın verdiyi məlumata görə, şöbə sədri Eltural Mürsəlzadənin istefa verməsinin səbəbi rayon təşkilatında onun fəaliyyəti ilə bağlı narazılığın yaranması olub. Yanvarın 13-də partiyanın Beyləqan rayon şöbəsinin Məclisinin iclasında E. Mürsəlzadənin istefası qəbul olunub və vəzifənin icrası müvəqqəti olaraq, daha əvvəl bu postu tutmuş Füzuli Qəhrəmanlıya həvalə edilib.
Partiyadan fakt təsdiqlənib və APA-ya bildirilib ki, E. Mürsəlzadənin AXCP-də bu günə qədərki fəaliyyəti nəzərə alınaraq, onun rayon şöbəsinin sədr müavini kimi fəaliyyətini davam etdirməsi nəzərdə tutulub. AXCP-dən o da bildirilib ki, yaxın vaxtlarda partiyanın Beyləqan rayon şöbəsinin keçirilməsi nəzərdə tutulan konfransında yeni sədrin seçilməsi və digər məsələlər öz həllini tapacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
