AŞPA-nın Siyasi işlər və demokratiya komitəsinin iclası başlayır

Milli Məclisin deputatı Sabir Hacıyev Avropa Şurası Parlament Assambleyasının Siyasi işlər və demokratiya komitəsinin iclasında iştirak etmək üçün martın 7-dən 9-dək Fransanın paytaxtı Parisdə səfərdə olacaq. Lent.az-ın Milli Məclisin saytına istinadən məlumatına görə, tədbirdə Polşada demokratiya və qanunun aliliyi ilə bağlı vəziyyət, Fələstin Milli Şurası ilə tərəfdaşlıq prosesinin inkişafı, Liviyadakı durumun regional sabitlik və Avropanın təhlükəsizliyinə təsiri, Liviyada terrorizm hədələri və ölkənin demokratik gələcəyi, İranda siyasi inkişaf prosesləri, Ukraynada böhranın nəticələri və digər məsələlər müzakirə olunacaq.