Hollandiyalı ekspertlər SAM-ın fəaliyyəti ilə tanış olub
20 aprel 2011 13:09 (UTC +04:00)

Hollandiyalı ekspertlər SAM-ın fəaliyyəti ilə tanış olub

Lent.az-ın məlumatına görə, qonaqlar SAM-ın əməkdaşları ilə görüşüb, onlara mərkəzin fəaliyyəti haqqında məlumat verilib. Hollandiyalı analitiklər “Xəzər Neft-Qaz” adlı hesabatın üzərində çalışdıqlarını və bu məsələ ilə bağlı azərbaycanlı ekspertlərin fikirləri ilə maraqlandıqlarını və araşdırmanın yekunu olaraq bu ilin payızında Hollandiyada eyni adlı beynəlxalq konfrans keçirəcəklərini bildiriblər.


Görüşdə, həmçinin iki ölkənin beyin mərkəzləri arasında əməkdaşlığın inkişaf etdirilməsinin və elmi-tədqiqat sahəsində müxtəlif layihələrin və tədbirlərin həyata keçirilməsinin zəruriliyi qeyd edilib.


Görüş zamanı Azərbaycanın Avropanın enerji təhlükəsizliyi sistemində oynadığı rol, həll olunmamış münaqişələrin qlobal təhlükəsizliyə təsiri məsələləri, Xəzər-Cənubi Qafqaz regionunun müasir geosiyasəti, regional enerji layihələri, ölkəyə yeni sərmayələrin cəlb olunması və digər məsələlər ətrafında geniş müzakirələr aparılıb.
1 2 3 4 5 İDMAN XƏBƏRLƏRİ
# 640

Oxşar yazılar