ATƏT sədri Azərbaycana martın 13-də gələcək
01 mart 2011 14:25 (UTC +04:00)

ATƏT sədri Azərbaycana martın 13-də gələcək

Bu barədə APA-ya ATƏT-in Bakı ofisindən məlumat verilib. ATƏT sədri rəsmi görüşlərə martın 14-də başlayacaq. Görüşlərin proqramı hazırda hazırlıq mərhələsindədir. Audronyus Ajubalis Azərbaycandan Gürcüstana gedəcək.


Xatırladaq ki, ATƏT sədri bundan əvvəl APA-ya verdiyi açıqlamada Cənubi Qafqaza martın üçüncü ongünlüyündə gələcəyini bildirmişdi. Səfər çərçivəsində Audronyus Ajubalis dövlət başçıları, xarici işlər nazirləri, vətəndaş cəmiyyətinin nümayəndələri ilə görüşəcək. Səfər çərçivəsində əsas müzakirə mövzularından biri Dağlıq Qarabağ münaqişəsinin nizamlanması olacaq. Xatırladaq ki, bu, Audronyus Ajubalisin ATƏT sədri postunda regiona ilk səfəridir.
# 446

Oxşar yazılar