Ukraynadakı həmyerlilərimiz beynəlxalq təşkilatların qarşısında aksiya keçiriblar

Lent.az-ın məlumatına görə, aksiyada Ukraynada yaşayan 100-ə yaxın gənc BMT-nin və ATƏT-in qarşısında etiraz aksiyası keçirməklə adı çəkilən təşkilatları haqqa və ədalətə səsləyiblər .

Aksiyada erməni qəsbkarları əsrlər boyu azərbaycan xalqına qarşı həyata keçirdiyi işğalçılıq və soyqırım siyasətinə görə tarix qarşısında cavab verəcəyi bildirilib. Onlar erməni vəhşiliklərinə göz yuman beynəlxalq təşkilatları ikili standartlarından əl çəkməyi tələb edərək BMT və ATƏT-i Dağlıq Qarabağ problemi ilə bağlı ədalətli qərar verməkdə cəsarətli olmağa səsləyiblər.

“Erməni terrorizminə son qoyulsun”, “Qarabağ Azərbaycan Torpağıdır”, “Beynəlxalq Təşkilatlar Xocalı Soyqırımına hüquqi siyasi qiymət verməlidir”, “Vəhşilik və qəddarlıq baxımından 20-ci əsrin ən amansız faciəsi olan Xocalı soyqırımı dünya birliyi tərəfindən tanınmalıdır” şüarları ilə keçirilən etiraz aksiyasının sonunda Ukrayna Azərbaycanlı Gənclər Birliyin sədri Anar Tahirov Ukraynada yaşayan gənclər adından hazırlanmış qətnaməni adı çəkilən beynəlxalq təşkilatların nümayəndəliklərinə təqdim edib.