Almaniya səfiri Ədliyyə Nazirliyində olub

Lent.az-ın nazirliyin saytına istinadən verdiyi məlumata görə, görüşdə Azərbaycan və Almaniya arasında dostluq və əməkdaşlıq münasibətlərinin dinamik inkişafını bildirən nazir, prezident İlham Əliyevin rəhbərliyi ilə respublikamızda aparılan islahatları, xüsusilə ədliyyə və məhkəmə sisteminin müasirləşdirilməsi, korrupsiyaya qarşı mübarizənin gücləndirilməsi, bu sahədə mühüm rolu olan hakimlərin ən şəffaf qaydalarla seçimi və inzibati məhkəmələrinin yaradılması üzrə görülən işlər barədə məlumat verib. O, həmçinin islahatlarda GİZ-in fəal iştirakını qeyd edib.

Ölkələrimiz arasında əməkdaşlığın yüksək səviyyədə olmasını məmnunluqla bildirən səfir Heydər Əliyevin hüquqi dövlətin quruculuğu üzrə ideyalarının uğurla icrasının şahidi olduğunu vurğulayıb. H.Kvelle GİZ-in ölkəmizə yeni təyin olunmuş layihə rəhbərlərini təqdim edib. Qonaqlar GİZ ilə Azərbaycan arasında hüquqi əlaqələri təqdir edib və Ədliyyə Nazirliyi ilə uğurlu əməkdaşlığa görə minnətdarlıqlarını ifadə edərək, qarşılıqlı fəaliyyətin bundan sonra da genişləndirilməsi üçün səylərini əsirgəməyəcəklərini söyləyib.

Görüşdə həmçinin, gələcək fəaliyyətin prioritetləri müəyyən olunaraq konkret təkliflər irəli sürülüb.

Sonda qonaqlar nazirlikdə Ədliyyə tarixi muzeyi ilə tanış olublar.