Ümid Partiyası Rəyasət Heyətinin toplantısı keçirilib
07 yanvar 2011 12:11 (UTC +04:00)

Ümid Partiyası Rəyasət Heyətinin toplantısı keçirilib

Partiyanın mətbuat xidmətindən Lent.az-a verilən məlumata görə, toplantıda ölkə və regionda ictimai-siyasi vəziyyət, partiya strukturları və təşkilatlanma işi, İcra Aparatının yaxın altı aylıq planı müzakirə olunub.

İlk növbədə “Qarabağ” Siyasi Bloku daxilində fəaliyyət istiqamətləri və gələcək planlar ətrafında müzakirə aparılıb. Daha sonra Ümid Partiyası İcra Aparatının rəhbəri Nəsimi Məmmədlinin İcra Aparatının fəaliyyət hesabatı dinlənilib. İcra Aparatının növbəti altı ay üçün tərtib etdiyi planın müzakirəsi keçirilib.

Sonda isə partiyadaxili təşkilatlanma işi və rayon təşkilatlarının durumu barəsində hesabat dinlənilib və qənaətbəxş hesab edilib.
# 532

Oxşar yazılar