Prezident İlham Əliyev Türkiyə səfirinin etimadnaməsini qəbul edib

Diplomat ölkələrimiz arasında ikitərəfli əlaqələrin böyük inkişaf yoluna qədəm qoyduğu bir dövrdə Azərbaycana səfir təyin olunmasından məmnunluğunu bildirib.

İsmail Alper Coşkun Azərbaycandakı diplomatik fəaliyyəti müddətində ikitərəfli münasibətlərin daha da genişləndirilməsi ilə bağlı səylərini əsirgəməyəcəyini deyib. Bu yaxınlarda Türkiyə-Azərbaycan Yüksək Səviyyəli Strateji Əməkdaşlıq Şurasının ikinci iclasının uğurla keçdiyini və yüksək nəticələr əldə edildiyini diqqətə çatdıran dövlət başçısı əlaqələrin qarşıdakı illərdə daha da genişlənəcəyinə əminliyini vurğulayıb.

Prezident İlham Əliyev bildirib ki, Azərbaycanla Türkiyə dünya miqyasında ən sıx əlaqələri olan ölkələrdir. Əməkdaşlığın bütün sahələrdə dinamik şəkildə inkişaf etdiyini deyən ölkə başçısı Azərbaycan-Türkiyə əməkdaşlığının həm region, həm də regiondan kənarda böyük önəm daşıdığını qeyd edib.