Stress zamanı beyinə ən çox zərər verən qida

Mütəxəssislər stress zamanı qan damarları və beyinə ən çox zərər verən qidanı açıqlayıb.

Lent.az xarici mətbuata istinadən xəbər verir ki, Birmingem Universitetində aparılan bir araşdırmaya görə, stressli dövrlərdə yağlı qidalar yemək orqanizmin stressdən qurtulma qabiliyyətinə mane ola bilər.

Aparılan araşdırma nəticəsində məlum olub ki, zehni cəhətdən gərgin işdən əvvəl yağlı yemək yemək beynin oksigenləşməsinin azalmasına, damarların fəaliyyətinin pisləşməsinə və əhval-ruhiyyəyə mənfi təsir göstərir.

Araşdırmanın aparıcı müəllifi Rosalind Baynham stress zamanı yağlı qidalar yemək damar funksiyasını 1,74 faiz azaltdığını vurğulayıb:

“Arterial elastikliyin bu azalması stressli hadisədən bir saat yarım sonra belə davam etdi. Tədqiqat həmçinin az yağlı yeməklə müqayisədə yüksək yağlı yeməkdən sonra stress zamanı prefrontal korteksə oksigenli hemoglobinin çatdırılmasının 39 faiz azaldığını qeyd edib”.