Sinədə ağrı hiss edirsinizsə bunları edin, yoxsa...

Mütəxəssislər miokard infarktının ilkin əlamətlərini açıqlayıblar.

Lent.az xarici mətbuata istinadən xəbər verir ki, miokard infarktının ən ümumi və xarakterik əlamətləri arasında sinə bölgəsindəki ağrıdır. Bu ağrı şiddətli, sıx və ya yüngül bir narahatlıq kimi özünü göstərə bilər.

Xəstə sinədə təzyiq, yanma və ya sıxıcı ağrı hiss edə bilər. Bu hisslər təkcə sinə nahiyəsində deyil, həm də sol qol, çiyin, boyun, çənə və belə də yayıla bilər. Ancaq yadda saxlamaq lazımdır ki, infarkt əlamətləri həmişə sinə ağrısı ilə müşayiət olunmur.

Bədəndəki bütün orqanlar kimi ürəyin də koronar damarlar adlanan öz damarları var. Bu damarlar ürəyi qanla, onunla birlikdə oksigen və normal həyat üçün lazım olan maddələrlə təmin edir. Hər hansı bir səbəbdən bu tac damarlarından biri tıxanırsa, ürəyin təsirlənmiş sahəsi oksigen və zəruri maddələrdən məhrum olmağa başlayır.

Bu vəziyyət 40 dəqiqədən çox davam edərsə, ürək əzələsinə əhəmiyyətli ziyan və hətta ürək toxumasının daimi ölümü baş verə bilər. Bu vəziyyətə miokard infarktı (MI) deyilir.

Bu əlamətləri hiss edirsinizsə, sakit olmağa, oturmağa və ya uzanmağa çalışın. Allergiya və ya əks göstəriş yoxdursa, aspirin qəbul edin.