“Şirniyyat şəkərin yaranmasına birbaşa təsir göstərmir”.
Lent.az xarici mediaya istinadən xəbər verir ki, bu barədə endokrinoloq Aleksandr Mayorov deyib.
Mütəxəssisin sözlərinə görə, artıq çəkidən və piylənmədən əziyyət çəkən insanlarda xəstəlik riski daha çoxdur:
“Əgər çəkisi az olan insanlar çox şəkər yeyirsə, o zaman onun şəkərli diabetə tutulma riski düzgün qidalanan insanlardan çox olmayacaq”, - ekspert bildirib.
Mayorovun sözlərinə görə, şəkərli diabetin çox şirniyyat yeməyin nəticəsi olduğu ilə bağlı fikirlər mifdir.
Həkimin sözlərinə görə, çoxlu miqdarda kalori, yəni çörək, kolbasa kimi qidalardan istifadə etmək diabetin yaranmasına təsir göstərən əsas amillərdəndir.
Mayorov diabetin iki halda yarana biləcəyini xüsusi vurğulayıb:
“Birincisi genetika, ikincisi də həyat tərzi ilə bağlıdır. Xəstələrin 97%-i isə ikinci tip diabetdən əziyyət çəkir. Şəkərli diabetin inkişafının qarşısını yalnız arıqlamaq, gündəlik fiziki fəaliyyətlə məşğul olmaqla almaq olar”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
