Kartofun bilmədiyimiz FAYDALARI

Alimlər kartofun sağlamlıq üçün gözlənilməz faydalarını aşkar ediblər.

Lent.az xarici mətbuata istinadən xəbər verir ki, Boston Universitetinin alimləri kartofun böyüklərin sağlamlığına gözlənilməz müsbət təsirini aşkar ediblər.

Tədqiqatda yaşı 30 və daha yuxarı olan 2500-dən çox iştirakçı iştirak edib. Alimlər zamanla onların yemək vərdişlərini və sağlamlıq durumlarını təhlil ediblər.

Kartof yeməyin bədənə təsiri ilə bağlı məlumatlar 1971-ci ildə iştirakçıların təxminən 70%-dən toplanmağa başlayıb. Tədqiqatın müəllifləri iştirakçıların hansı növ kartoflara üstünlük verdiyini hesablayıblar.

İştirakçıların 36%-i bişmiş, 28%-i qızardılmış, 14%-i kartof püresi, 9%-i qaynadılmış kartofa üstünlük verib.

Maraqlıdır ki, qızardılmış kartof istehlak edən iştirakçılarda müxtəlif sağlamlıq problemləri riski daha az idi.

Məlum olub ki, qızardılmış kartof yeyən və eyni zamanda aktiv idman edən böyüklər arasında 2-ci tip diabetin inkişaf ehtimalı 24%, trigliserid səviyyəsinin artması riski isə 26% azalıb.

Alimlər kartofu klassik şəkildə - bişmiş, ona yağ, kəsmik və xama əlavə edərək, lakin mülayim şəkildə hazırlamağı məsləhət görürlər.