Hər gün  darçın yesəniz,   orqanizmdə nə baş verər? 
23 noyabr 2023 11:51 (UTC +04:00)

Hər gün darçın yesəniz, orqanizmdə nə baş verər? 

Sağlam qidalanma üzrə mütəxəssislər darçının gündəlik istehlakının orqanizmə necə təsir edəcəyini açıqlayıblar.

Lent.az xarici mətbuata istinadən xəbər verir ki, mütəxəssislərin fikrincə, əvvəlcə gündə nə qədər darçın istehlak etməli olduğunuzu müəyyənləşdirməlisiniz. Ədviyyatın faydalı xüsusiyyətlərinə baxmayaraq, bəzi riskləri də var.

Bu ədviyyatın artıqlığı orqanizmə zərərlidir. Onun tərkibində bədəndə toplana və qaraciyərə zərər verə bilən kumarin birləşməsi var. Darçının qaraciyərə mümkün mənfi təsiri Avropa Qida Təhlükəsizliyi Təşkilatı tərəfindən də təsdiqlənir. Amma bu o demək deyil ki, siz hər gün darçın yeyə bilməzsiniz. Agentliyin standartına görə, onun gündəlik qəbulu bədən çəkisinin hər kiloqramı üçün 0,1 milliqram kumarindən çox olmamalıdır. Yəni orta çəkisi 70 kq olan şəxs gündə bir qaşıqdan çox darçın istehlak edə bilməz. 

Bəs, darçının orqanizmə hansı faydaları var?

1. Müntəzəm olaraq darçın istehlakı bədəndəki xolesterin səviyyəsini aşağı sala bilər və buna görə də ürəyə fayda verə bilər. Darçın xolesterinə təsiri sayəsində ürək-damar xəstəlikləri riskini azaldır. 

2. Darçın qan təzyiqini aşağı sala bilər. Bu ədviyyat gündəlik istehlak edildikdə də insanın təzyiqini aşağı sala bilir. Bu da ürək xəstəliklərinin inkişafı ilə mübarizə kontekstində müsbət təsir göstərir.

3. Darçın 2-ci tip diabet üçün faydalıdır. Elmi araşdırmalar göstərir ki, darçın istehlakı insulinə həssaslığı artıra bilər. Bu o deməkdir ki, darçın sizi bədəninizin istehsal etdiyi insulinə daha həssas edir. Beləliklə, vücudunuzun hüceyrələri qan şəkərinin səviyyəsinə nəzarət etmək üçün vacib bir hormon olan insulinə daha yaxşı reaksiya verəcək.

4. Darçının müntəzəm istehlakı da beyin üçün faydalıdır. Darçının tərkibində beyində tau proteininin yığılmasını maneə törədən birləşmələr var ki, bu da Alzheimer xəstəliyinin əlamətidir.

5. Darçın mədə üçün çox faydalıdır. Darçın antiinflamatuar ədviyyat hesab olunur. O öz xüsusiyyətlərinə görə yaxşı bakteriyalar üçün xoş mühit yaradaraq, sağlam bağırsaq mikroflorasını dəstəkləyə bilər. O, həmçinin ishal, irritabl bağırsaq sindromu və buna bənzər mədə problemlərindən əziyyət çəkən insanlar üçün faydalı ola bilər.

1 2 3 4 5 İDMAN XƏBƏRLƏRİ
# 16539
avatar

Arzu Qurbanlı

Oxşar yazılar