Xalq artisti Tofiq Bakıxanov 96 yaşında vəfat edib.
Lent.az xəbər verir ki, bu barədə APA-ya onun oğlu Vahid Bakıxanov məlumat verib.
Qeyd edək ki, Tofiq Bakıxanov 1930-cu il dekabrın 8-də görkəmli tarzən, Xalq artisti Əhməd Bakıxanovun ailəsində anadan olub.
Skripka və bəstəkarlıq üzrə təhsil alıb. 1990-cı ildə Xalq artisti adına layiq görülüb. Azərbaycan musiqi mədəniyyətinin inkişafındakı xidmətlərinə görə “Şöhrət”, “Şərəf” və I dərəcəli “Əmək” ordenləri ilə təltif edilib. Yarım əsrdən artıq Bakı Musiqi Akademiyasında pedaqoji fəaliyyət göstərib. 3 balet, 3 musiqili komediya, 25 konsert, 20 sonata, 5 simfonik muğam, 8 simfoniya, 6 simfonik poema, çoxsaylı kamera əsərləri, 100-dən artıq mahnı və romansın müəllifidir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
