Bəstəkarlar İttifaqının tədbirlər planı təsdiqləndi
21 yanvar 2011 14:37 (UTC +04:00)

Bəstəkarlar İttifaqının tədbirlər planı təsdiqləndi

Bəstəkarlar İttifaqının sədri, xalq artisti Firəngiz Əlizadənin Lent.az-a verdiyi məlumata görə, iclas zamanı ilin ilk yarısında həyata keçiriləcək tədbirlər planı da təsdiqlənib. Tədbirlər planına əsasən, 2011-ci ilin ilk 6 ayı ərzində Tofiq Bakıxanovun 80, Əşrəf Abbasovun 90, Oqtay Rəcəbovun 70 illik yubileyləri qeyd olunacaq. Qara Qarayevin doğum günü, Bəhram Mansurovun 100, Cahangir Cahangirovun 90 illik yubileyinə həsr olunmuş xatirə gecəsi keçiriləcək. “Müasirlərlə dialoq” silsiləsindən xalq rəssamı Toğrul Nərimanbəyovla, akademik Yaqub Mahmudovla, görkəmli heykəltəraş Ömər Eldarovla görüş olacaq.

Bundan başqa Qara Qarayev adına Beynəlxalq Müasir Musiqi Festivalı və Şəki şəhərində “İpək yolu” II Beynəlxalq Musiqi Festivalının keçirilməsi də nəzərdə tutulub.

Xəyalə
# 584

Oxşar yazılar