Yuxuda danışmaq əksər hallarda normal vəziyyət hesab olunur və psixi pozuntu əlaməti deyil.
Lent.az xəbər verir ki, psixiatr və narkoloq Ruslan İsayev yuxuda danışan insanın ayrı-ayrı sözlər, cümlələr söyləyə və hətta qısa dialoqlar qura biləcəyini bildirib.
Mütəxəssisin sözlərinə görə, insan bunu şüurlu şəkildə etmir və oyandıqdan sonra baş verənləri adətən xatırlamır.
Bununla belə, yuxuda danışmaq qəfil başlayıbsa, epizodlar tezləşibsə və ya qışqırıq, güclü qorxu, kəskin hərəkətlər, yataqdan qalxmağa cəhd kimi hallarla müşayiət olunursa, həkimə müraciət etmək tövsiyə edilir.
Belə əlamətlər bəzi yuxu pozuntuları, yuxu zamanı tənəffüs problemləri və daha nadir hallarda gecə epileptik tutmaları ilə əlaqəli ola bilər.
Gündüz saatlarında həddindən artıq yuxululuq, xroniki yorğunluq və ya yuxunun ciddi şəkildə pozulması da mütəxəssisə müraciət etmək üçün səbəb hesab olunur. Zərurət yaranarsa, həkim yuxunun xüsusi üsulla müayinəsi – polisomnoqrafiya təyin edə bilər.
Həkim bildirib ki, əlavə narahatedici simptomlar olmadan yalnız yuxuda danışmaq adətən müalicə və əlavə müayinə tələb etmir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
