Yeni köçdüyü evdə YOXA ÇIXDI

Kişi yeni köçdüyü evdə yalnız qorxu filmlərində baş verən ürpertici tapıntı aşkar edib.

Lent.az xarici KİV-ə istinadən xəbər verir ki, qorxu filmlərində çox vaxt yeni kirayəçilərin geniş bir evdə kəşf etdikləri mistik və sirli qapı ilə səhnələri var.

Ancaq haqqında danışdığımız adam üçün bu hekayə yeni evinə köçdükdən sonra reallığa çevrilib. Kişi yeni evinin zirzəmisində böyük bir metal şkafın arxasında gizlənmiş sirli bir qapı tapıb. Bu barədə o, sosial şəbəkə hesabında paylaşım edib. İstifadəçi itlərinin müəyyən qorxudan qapıya yaxınlaşmadığını bildirib.

Şərhlərdəki istifadəçilər ona qapını açması və arxasında nə olduğunu öyrənməsi üçün yalvarmağa başlayıb. Ancaq ev sahibi yalnız “İşdən qayıdanda açacağam”, deyə cavab verib.

O vaxtdan bəri istifadəçi heç nə yazmayıb və çoxları ona nə baş verdiyini maraqlandırmağa başlayıb. Ancaq bu suala hələ ki, cavab yoxdur. Ola bilsin ki, o, qaranlığın o biri tərəfində şər qüvvələr tərəfindən sürüklənib.