Bəzi insanlar sanki pulu özünə maqnit kimi cəlb edir, digərləri isə hər qazanc üçün uzun müddət çalışmalı olur. Numeroloqların fikrincə, bunun səbəbi insanın doğum tarixində, daha dəqiq desək, "tale rəqəmi" adlandırılan göstəricidə gizlənə bilər.
Lent.az xarici mediaya istinadla xəbər verir ki, tale rəqəmi və ya həyat yolu rəqəmi doğum tarixindəki bütün rəqəmlərin toplanması ilə hesablanır.
Alınan nəticə birrəqəmli ədədə çevrilənədək toplanır. Yalnız 11, 22 və 33 kimi "usta rəqəmlər" istisna təşkil edir və onlar olduğu kimi saxlanılır.
Məsələn, 12 may 1990-cı il tarixində doğulan şəxs üçün hesablamanı belə aparmaq lazımdır:
1 + 2 + 0 + 5 + 1 + 9 + 9 + 0 = 27
Daha sonra 2 + 7 = 9.
Bu halda həmin şəxsin tale rəqəmi 9 hesab edilir.
Hansı tale rəqəmləri bolluq və maliyyə uğuru ilə əlaqələndirilir?
Numeroloqlar bəzi rəqəmlərin maddi rifahla daha çox əlaqələndirildiyini bildirirlər.
1 – Liderlik, müstəqillik və təşəbbüskarlığın rəmzi sayılır. Bu rəqəmə sahib insanların fürsət gözləməkdənsə, onu özlərinin yaratdığı iddia olunur. Sahibkarlıq və rəhbər vəzifələrdə uğur qazanmağa meylli olduqları bildirilir.
5 – Dəyişikliklərə açıq olmaq və çevik düşüncə ilə əlaqələndirilir. Numeroloqlara görə, bu insanlar yeni şəraitə tez uyğunlaşır, fərqli ideyalara açıq olur və gözlənilməz maliyyə imkanlarını dəyərləndirməyi bacarırlar.
6 – Məsuliyyət, qayğıkeşlik və sabitlik enerjisini ifadə edir. Bu rəqəmin sahiblərinin gəliri daha çox yaradıcılıq, estetika ilə bağlı peşələr və ya ailə biznesi vasitəsilə əldə etdikləri bildirilir. Maddi rifaha aparan yol daha uzun olsa da, daha dayanıqlı hesab edilir.
8 – Numerologiyada ən çox pul rəqəmi kimi tanınır. Hakimiyyət, nizam-intizam və maliyyəni idarə etmək bacarığını simvolizə etdiyi qeyd olunur. Bu rəqəmə sahib insanların biznes sahəsində güclü intuisiyaya malik olduqları və uzaqgörən qərarlar verməyə meylli olduqları iddia edilir.
9 – Humanizm və idealizmlə əlaqələndirilsə də, numeroloqlar hesab edirlər ki, bu rəqəm də maddi uğur gətirə bilər. Xüsusilə ictimai fəaliyyət, geniş auditoriya ilə iş və təsir imkanları sayəsində gəlir əldə etmək potensialına malik olduğu bildirilir. Bu insanlar üçün uğurun əsas meyarının yalnız qazanc deyil, həm də gördükləri işin mənası olduğu vurğulanır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
